Pwy ydym ni

Ydych chi’n defnyddio gwasanaethau GIG neu ofal cymdeithasol yng Nghymru?

Os ydych, gallwch ein helpu i’w gwneud yn well i bawb trwy ddweud eich dweud

Ac mae eich llais yn fwy pwerus nag erioed o’r blaen

Llais yw’r corff cenedlaethol, annibynnol a sefydlwyd gan Lywodraeth Cymru i roi llais cryfach i bobl Cymru yn eu gwasanaethau iechyd a gofal cymdeithasol.

Yr hyn a wnawn

Rydyn ni yma i sicrhau bod y rhai sy’n gwneud penderfyniadau yn defnyddio’ch safbwyntiau a’ch profiadau i gynllunio a darparu gwell gwasanaethau iechyd a gofal cymdeithasol.

Mae eich tîm Llais lleol yn casglu eich profiadau – da a drwg – o wasanaethau iechyd a gofal cymdeithasol ac yn darparu cymorth i wneud cwynion.

Yna maent yn gweithio gyda darparwyr gwasanaethau gofal cymdeithasol a’r GIG lleol i ymateb i’r pethau sydd bwysicaf i bobl yn y cymunedau y maent yn eu gwasanaethu.

Oherwydd ein bod ni’n gorff statudol, mae’n rhaid i sefydliadau’r GIG, awdurdodau lleol a darparwyr gofal trydydd sector wrando.

Dweud eich dweud

Rydym am glywed gan bobl yn holl gymunedau amrywiol Cymru, yn enwedig y rhai nad yw eu lleisiau bob amser yn cael eu clywed.

Mae llawer o ffyrdd i ddweud eich dweud:

• dywedwch eich stori wrthym – mae ffurflen adborth cyffredinol allwch ei lanw
• cael cefnogaeth i wneud cwyn
• cael cyngor neu wybodaeth am eich gwasanaethau lleol a sut i gael gafael arnynt
• mynychu un o’n digwyddiadau lleol rheolaidd
• gallwn ymweld â chi ble bynnag yr ydych yn derbyn gwasanaeth iechyd a gofal cymdeithasol

Byddwch yn rhan o rywbeth pwysig

Rydyn ni yma i wneud yn siŵr bod barn a phrofiadau pobl yn helpu i wneud gwasanaethau iechyd a gofal cymdeithasol yn well i bawb.

I ddarganfod mwy am Llais a sut y gallwch chi gyfrannu at wella iechyd a gofal cymdeithasol yng Nghymru gyda ni, cysylltwch â’ch tîm Llais lleol.