Beth mae Cymru ei eisiau: Blaenoriaethau iechyd a gofal cymdeithasol y bobl ar gyfer y Llywodraeth nesaf
Darllenwch ein maniffesto ar gyfer Etholiadau Senedd 2026Beth rydym ni’n ei wneud
Rydym yma i sicrhau bod y rhai sy'n gwneud penderfyniadau yn defnyddio'ch safbwyntiau a'ch profiadau i gynllunio a darparu gwasanaethau iechyd a gofal cymdeithasol gwell. A phan aiff pethau o chwith gall ein heiriolwyr cwynion annibynnol a hyfforddedig eich cefnogi i wneud cwynion.
Rhaid i leisiau cryf pobl Cymru fod wrth galon system iechyd a gofal cymdeithasol effeithiol, wedi ei uno ar gyfer Cymru.
Newyddion Llais
Gweld yr holl newyddion
Sbotolau ar iechyd a gofal cymdeithasol gwledig yng Nghymru
Rydym yn clywed gan bobl mewn ardaloedd gwledig ledled Cymru am eu gwasanaethau iechyd a gofal cymdeithasol. Darllenwch ein galwadau am newid.Tair ffordd y gallwch chi wneud gwahaniaeth
Ein hadroddiadau
Gweld pob cyhoeddiadMae Llais yn bodoli i hyrwyddo lleisiau pobl sy’n defnyddio gwasanaethau iechyd a gofal cymdeithasol.
Dyna pam, ledled Cymru, mewn pentrefi, trefi a dinasoedd, rydym wedi gwrando ar ddegau o filoedd o bobl. Mewn neuaddau cymunedol, strydoedd mawr, ysgolion, meddygon teulu lleol, cartrefi gofal, ac ar-lein, mae pobl wedi rhannu eu profiadau, eu rhwystredigaethau, a’u gobeithion ar gyfer iechyd a gofal cymdeithasol.
Mae’r maniffesto hwn wedi’i adeiladu ar y lleisiau hynny: blaenoriaethau’r bobl, yr hyn sydd bwysicaf, yr hyn fyddai’n gwneud y gwahaniaeth mwyaf i’w bywydau, a’r hyn sydd angen newid.
Mae'r maniffesto hwn yn nodi deuddeg diwygiad sy'n seiliedig ar dystiolaeth wedi'u grwpio o dan bedair thema: ecwiti a mynediad, atal ac ymyrraeth gynnar, gofal person-ganolog, ac integreiddio gwasanaethau. Nid syniadau polisi haniaethol yw'r rhain. Newidiadau ymarferol a chyraeddadwy y dywedodd pobl wrthym y byddent yn gwneud y gwahaniaeth mwyaf i'w profiad o iechyd a gofal cymdeithasol.
Ym mis Ebrill 2025, cynhaliodd Llais Powys raglen ymgysylltu gymunedol ffocws yn ardal y Drenewydd - y nawfed mewn rhaglen dreigl sy'n cyd-fynd â model 13 ardal Bwrdd Partneriaeth Ranbarthol Powys. Y nod oedd casglu mewnwelediad lleol i brofiadau iechyd a gofal cymdeithasol, yn enwedig lle mae pobl yn
defnyddio gwasanaethau yng Nghymru neu ar draws y ffin yn Lloegr.
Defnyddiwyd aml ddulliau gan gynnwys sgyrsiau wyneb yn wyneb, arolygon lleol (digidol ac ar bapur), a sesiynau galw heibio. Fe wnaethon ni ymgysylltu â grwpiau cymunedol, cynnal digwyddiadau dros dro, ac ymweld â meddygfeydd teulu, gan adeiladu ar bartneriaethau â sefydliadau lleol i chwyddo lleisiau
trigolion.
