Adroddiadau
Mae Llais yn annog ac yn cefnogi pobl i gael llais wrth ddylunio, cynllunio a darparu gwasanaethau GIG a gofal cymdeithasol.
Rhannwch eich adborth gyda ni i roi gwybod i ni am eich profiadau, a sut rydych chi'n teimlo bod gwasanaethau'r GIG a gofal cymdeithasol yn dod ymlaen. Bydd eich adborth yn helpu i wneud gwahaniaeth.
Mae ein hadroddiadau yn nodi’r hyn yr ydym wedi’i glywed a beth yw barn pobl am wasanaethau ledled Cymru.
Byddant yn ymwneud â'r pethau yr ydych wedi dweud wrthym sy'n bwysig i chi.
O 1 Ebrill 2023, disodlodd Llais y saith Cyngor Iechyd Cymuned sydd wedi cynrychioli buddiannau pobl yn y GIG yng Nghymru ers bron i 50 mlynedd.
Llais Powys - Crynodeb Gweithredol - Ymgysylltu Llanidloes
Yn ystod mis Chwefror 2024, bu Llais Powys yn ymgysylltu â chymuned Llanidloes a’r cyffiniau, i ddeall profiadau pobl o wasanaethau iechyd a gofal cymdeithasol. Roedd hyn yn cynnwys amrywiaeth o ddulliau ymgysylltu megis arolygon, ymuno â grwpiau a sefydliadau amrywiol ar gyfer trafodaeth wyneb yn wyneb, ymweld â safleoedd lle darperir gwasanaethau iechyd a gofal a siarad â phobl mewn digwyddiadau cymunedol. Buom yn siarad â phobl o wahanol oedrannau a chyda gwahanol anghenion iechyd a gofal.
Pwy Ydym Ni
Llais yw’r corff cenedlaethol, annibynnol a sefydlwyd gan Lywodraeth Cymru i roi llais cryfach i bobl Cymru yn eu gwasanaethau iechyd a gofal cymdeithasol.
Ein Rôl Pan fydd Iechyd a Gofal Cymdeithasol yn Awgrymu Newidiadau i Wasanaethau
Rydym yn sicrhau bod eich llais yn cael ei glywed pan fydd y GIG a gofal cymdeithasol eisiau gwneud newidiadau i wasanaethau hefyd. Mae angen iddynt wneud yn siŵr eu bod yn dweud wrthym pan fyddant yn cynllunio newidiadau a rhaid iddynt eich cynnwys chi, y cyhoedd, pan fyddant yn cynllunio, datblygu a
dylunio gwasanaethau.
Llawlyfr Gwirfoddolwr
Cymerwch amser i ddarllen y llawlyfr a dewch yn ôl ato pan fo angen. Mae’n dweud wrthych pwy ydym ni, beth rydym yn ei wneud, ac yn nodi’r polisïau a’r prosesau sydd gennym ar waith i’ch cefnogi a’ch diogelu chi ac eraill.